स्याङ्जामा पहिरोले घर पुरिँदा एकै घरपरिवारका ५ जनाको मृत्यु
सहयात्रा टिभी
काठमाडौं । असोज–०८, स्याङ्जा जिल्लाको वालिङ नगरपालिका वडा नं १४ मा पहिरोले घर पुरिँदा एकै घरपरिवारका ५ जनाको मृत्यु भएको छ, भने सो परिवारका अन्य ४ जना बेपत्ता रहेका छन् । यसैगरी एक जना सकुशल उद्धार गरिएको छ ।
१० जनाको परिवार बस्ने घरमा पहिरो खसेको थियो। ५ जनाको शव भेटिएको र एक जना सकुशल उद्धार गरिएको जनाएको छ । यस्तै स्याङ्जाकै कालीगण्डकी गाउँपालिका वडा नम्बर ४ बिर्घामा पनि पहिरोले घर पुरिँदा एक जनाको मृत्यु भएको छ । मृत्यु हुनेमा कालीगण्डकी गाउँपालिका– ४ बिर्घास्थित गौतमटोलका १७ वर्षीय विष्णु परियार रहेको जनाएको छ ।