संसद् विघटनको विरोधमा कांग्रेसको प्रदर्शन
सहयात्रा टिभी
काठमाण्डौ । पुस १३, आज सोमबार प्रमुख प्रतिपक्षी पार्टी नेपाली कांग्रेसले संसद विघटनको विरोधमा काठमाण्डौको विभिन्न स्थानमा प्रदर्शन गरेको छ । मन्त्रिपरिषदको सिफारिसमा पुस ५ गते राष्ट्रपतिले संसद विघटन गरेको विरोधमा कांग्रेसले देशभरका १६५ वटा निर्वाचन क्षेत्रमा विरोध प्रदर्शन गरेको हो ।
काठमाण्डौ क्षेत्र नम्बर १ मा पनि नेपाली कांग्रेस कार्यकर्ताले नयाँ बानेश्वर क्षेत्रमा प्रदर्शन गरेका छन् । विजुली बजारबाट निस्केको जुलुस नयाँ बानेश्वरसम्म पुगेको थियो साथै भक्तपुरको थिमीमा हुने सभालाई कांग्रेस सभापति शेरबहादुर देउवा आफैले सम्बोधन गर्ने कार्यक्रम रहेको छ ।