प्रचण्ड नेपाल समूहले आज देशैभर प्रदर्शन गर्ने
सहयात्रा टिभी
काठमाण्डौ । पुस १४, काठमाण्डौ उपत्यकामा आज विभिन्न स्थानबाट जुलुस निस्कने अनेरास्ववियू प्रचण्ड नेपाल समूहका संयोजक रञ्जित तामाङले जानकारी दिए । प्रधानमन्त्री केपी शर्मा ओलीको संसद् विघटन गर्ने कदमको विरोध जनाउँदै आन्दोलनरत नेकपा अध्यक्ष पुष्पकमल दाहाल प्रचण्ड र माधवकुमार नेपाल समूहले मंगलबार देशैभर जुलुस प्रदर्शनको आयोजना गरेको छ ।
आजको प्रदर्शनका लागी उपत्यका आसपासका जिल्लाहरुमा गरिने प्रदर्शन पनि काठमाण्डौ नै केन्द्रित गरिएको छ । तामाङका अनुसार उपत्यकाको बानेश्वर, चाबहिल, मैतीदेवी, लैनचौर, बागबजार, घन्टाघर, टेकु, थापाथली लगाएतका ठाउँबाट जुलुस निस्कने छ । अनेरास्ववियूले घन्टाघरबाट र युवा सङ्घले बागबजारबाट जुलुस निकाल्ने तयारी गरेको उनले जानकारी दिए ।