नेकपाको स्थायी कमिटी बैठक आज पनि पेरिस डाँडामा
सहयात्रा टिभी
काठमाडौं । पुस २०, नेपाल कम्युनिस्ट पार्टी (नेकपा) को स्थायी कमिटी बैठक आज (सोमबार) पनि बस्दै छ । माधवकुमार नेपालको अध्यक्षतामा पार्टी मुख्यालय पेरिसडाँडामा दिउँसो १ बजे बस्ने बैठकमा विभिन्न कार्यसूचीमाथि छलफल गरिने स्थायी कमिटी सदस्य बेदुराम भुसालले जानकारी दिएका छन् ।
पार्टी विभाजनपछि नेकपा दाहाल (नेपाल समूह) को यो तेस्रो स्थायी कमिटी बैठक हो । आलोपालो बैठकको अध्यक्षता गर्ने निर्णयअनुसार यो बैठकअवधिभर नेता नेपालले नै अध्यक्षता र सञ्चालन गर्ने भुसालले जानकारी दिए ।
आइतबारको बैठकले स्थायी कमिटीमा पाँचवटा कार्यसूची पेस गरिएको थियो । तिनैमा आधारित भएर आजको छलफल अघि बढाइने भुसालले जानकारी दिएका छन् ।