२३ थान मोबाइल भन्सार छलि ल्याएको
सहयात्रा टिभी
काठमाडौं । माघ ०४, भन्सार छलि ल्याएको विभिन्न कम्पनीका २३ थान मोबाइल चन्द्रागिरि नगरपालिका–२ नागढुंगाबाट शनिबार बिहान प्रहरीले बरामद गरेको छ । भैरहवाबाट काठमाडौं आउँदै गरेको लु २ ख ४२१६ नम्बरको बसलाई महानगरीय प्रहरी प्रभाग नागढुंगाबाट खटिएको प्रहरीले जाँच गर्ने क्रममा उक्त मोबाइल फेला पारी बरामद गरेको हो ।
बरामद मोबाइलहरू आवश्यक अनुसन्धान तथा कारवाहीको लागि त्रिभुवन अन्तर्राष्ट्रिय बिमानस्थल भन्सार कार्यालय पठाइने महानगरीय प्रहरी वृत्त थानकोटले बताएको छ ।