वेब सिरिज ‘ताण्डव’ का कारण हंगामा, सैफ अली खानको घरमा प्रहरी तैनाथ
सहयात्रा टिभी
एजेन्सी । पछिल्लो समय बलिउड अभिनेता सैफ अली खान वेब सिरिजमा व्यस्त रहेका छन् । केही दिन अगाडि उनको वेव सिरिज ताण्डब रिलिज भएको थियो । उक्त वेब सिरिजमा रहेका केही दृश्यका कारण विवाद मच्चिएको छ ।
उक्त वेब सिरिजमा भगवान शिवलाई अपमानित गरिएको भन्दै विजेपी नेता राम कदमले आपत्ति जनाएका छन् ।
उनले वेब सिरिजबाट उक्त सिन हटाउन चेतावनी दिएका छन् ।
उनले उक्त दृश्य नहटाए वेव सिरिज बहिस्कार गर्ने बताएका छन् । उक्त दृश्यले हिन्दु भावनामाथि ठेस पुर्याएको भन्दै उनले आपत्ति जनाएका हुन् ।
उक्त विवाद बाहिर आएसँगै सैफ अली खानको घरमा कडा सुरक्षा व्यवस्था तैनाथ गरिएको छ ।
त्यस्तै उक्त वेब सिरिजका निर्देशक अली अब्बास जफर पनि विवादमा मुछिएका छन् । उनलाई पनि विजेपी नेता राम दासले चेतावनी दिएका छन् ।