निशान भट्टराईको ‘ओई प्यारी’
सहयात्रा टिभी
काठमाडौं । माघ ०५, ‘नेपाल आइडल’को पहिलो सिजनमा फस्ट रनरअप भएका गायक निशान भट्टराई र गायिका एलिना चौहानको स्वर रहेको नयाँ गीत ‘ओई प्यारी’ सार्वजनिक भएको छ ।
अनिश घिमिरेको शब्द रहेको गीतमा अनिल बिरहीले संगीत दिएका छन् । गीतमा केबी भन्डारीको एरेन्ज रहेको छ ।भिडियोमा एक प्रेम जोडीको कथा समेटिएको छ । पियारीलाई घरमा बस्न र आफू जन्ती लिएर आउने कुरा गीत मार्फत प्रेमिकालाई प्रेमीले अनुरोध गरेको देख्न सकिन्छ ।
भिडियोमा टीका जैसी र अज्ञात सायरको अभिनय रहेको छ । बिक्रम चौहानको निर्देशन रहेको भिडियोलाई प्रकाश खड्काले छायाँकन गरेका छन् ।