अनमोल के.सी. लाई आयो आधा दर्जन फिल्मको अफर

सहयात्रा टिभी

काठमाडौं । माघ ०६, चलचित्र ‘ए मेरो हजुर ४’को ९० प्रतिशत छायांकन सकी बसेका नायक अनमोल के.सी. अब नयाँ चलचित्र ‘पारस’ को तयारीमा लागेका छन् । यस चलचित्रका लागि अनमोल हरेक दिन जीम धाइरहेका बताईएको छ । के यसमा पनि शरीर बनाउनुपर्ने हो र भन्ने प्रश्नमा अनमोलले भने–‘शरीर बनाउने भनेर ‘कृ’ चलचित्रको जस्तो होइन । तर, पर्दामा केही फरक देखिने कोशिश गर्दैछु ।’

आधा दर्जन चलचित्रको अफर आएता पनि ती मध्ये २ वटा चलचित्रको कथा मन परेको बताईएको छ। तर, सबैले उनलाई वान लाइन मात्रै सुनाउनु भएको छ । पूर्ण स्क्रिप्ट आएपछि काम गर्ने वा नगर्ने पक्का हुने कुरा जानकारी भएको छ।

अनमोलले यो बर्ष आफ्नो कुनै पनि चलचित्र दर्शकमाझ आउन नसकेपनि अर्को बर्ष भने ३ वटा चलचित्र रिलिज हुने संकेत गरेका छन् ।

अनमोलले आफूलाई भिन्न शैलीमा प्रस्तुत गर्न सक्ने स्क्रिप्टको खोजीमा आफू रहेको पनि सुनाए । उनले भने–‘मलाई मन परेका २ कथाले मलाई फरक रुपमा प्रस्तुत गर्ने अपेक्षा गरेको छु ।’

अनमोलले चलचित्र साइन नगरी मिडियामा सार्वजनिक गर्दा पछि अप्ठ्यारो पर्न सक्ने भएकाले पनि केही समय चलचित्रको नाम सार्वजनिक गर्न नमिल्ने बताएका छन् ।