‘लाइगर’ को पोस्टर सार्वजनिक
सहयात्रा टिभी
काठमाडौं । माघ ०६, साउथ इन्डियन अभिनेता विजय देवरकोण्डाको फिल्म लाइगरको पोष्टर सार्वजनिक भएको छ । लाइगर अर्थात टाइगर र लायन शब्दको मिश्रित रुप। सुरुमा फाइटर नाम राखे पनि अर्का अभिनेता ऋतिक रोशनको फिल्मसँग नाम जुधेकाले लाइगर राखिएको फिल्म को पोष्टर सार्वजनिक गरिएको छ।
अर्जुन रेड्डी, डियर कमरेड, गीता गोविन्दाजस्ता चर्चित फिल्ममा अभिनय गरिसकेका साउथ इन्डियन अभिनेता विजय देवरकोण्डाको अभिनय फिल्म ‘लाइगर’ मा पनि देख्न सकिन्छ। उनैको तस्बिरसहित लायन र टाइगरको मिश्रित फोटो पोष्टरमा लगाइएको छ।
फस्ट लुक पोष्टरमा अर्जुनको बक्सिङवाला अवतार देख्न सकिन्छ। फिल्मलाई धर्मा प्रोडक्सनले निर्माण गर्ने छ । नायक सुशान्त सिंह राजपुतको आत्महत्यापछि बहिस्कारमा परेका करण जौहर यही फिल्मबाट फेरि फिल्म क्षेत्रमा प्रवेश गर्ने भएका छन् ।
लाइगरमा चंकी पाण्डेकी छोरी अनन्या पाण्डेलाई विजयको नायिकाको रुपमा देख्न सकिने छ । अनन्याले स्टुडेन्ट अफ दि इयर र पति पत्नी औ वो नामको फिल्ममा पनि काम गरिसकेकि छिन् । फिल्मलाई लिएर विजयका फ्यानहरु निकै उत्साहित भएका छन् ।
फिल्मको निर्देशन पुरी जगन्नाथले गर्ने भएका छन् । जसले पहिले पनि फिल्म ‘सिम्बा’ को निर्देशन गरिसकेका छन् । फिल्म हिन्दी भाषामा पनि प्रदर्शन हुनेछ। यसलाई सकेसम्म २०२१ मै प्रदर्शन गर्ने लक्ष्य राखिएको छ।