प्रदीप चापागाइको ‘लाउँ कि माया‘ सार्वजनिक
सहयात्रा टिभी
काठमाडौं । माघ ०७, गीतकार प्रदीप चापागाईद्रारा रचना गरिएको नयाँ यूगल गीत ‘लाउँ कि माया‘’ को म्युजिक भिडियो सार्वजनिक भएको छ ।
कल्याण सिंहद्वारा संगीतबद्ध उक्त गीतमा गायक विक्रम बराल तथा गायिका मेलिना राईको यूगल गायन छ ।गीतलाई उदयराज पौडेलले संगीत दिएका छन् । श्यामश्वेत रसाइलीले यो गीतलाई मिक्सिङ तथा मास्टरिङ गरेका हुन् ।
यश स्टडि वल्र्डले प्रस्तुत गरेको यो गीतको भिडियो गीतकार चापागाईको आधिकारिक यूट्युब च्यानलबाट सार्वजनिक गरिएको हो । दीपकप्रसाद आचार्यद्वारा निर्देशित उक्त गीतको भिडियोमा अभिनेता नाजिर हुसैन तथा मोडल सुमी मानन्धरको अभिनय तथा नृत्यलाई देख्न सकिन्छ ।पवन सुस्लिङको छायांकन तथा सम्पादनको यो भिडियोमा तेञ्जु योञ्जनको कोरियोग्राफी रहेको छ ।