२४ घण्टामै थपिए ३३६ कोरोना संक्रमित, मृत्यु हुनेको संख्या ४
सहयात्रा टिभी
काठमाडौं । माघ ०८, पछिल्लो २४ घण्टामा थप ३३६जनामा कोरोना भाइरसको संक्रमण पुष्टि भएको छ । यस सँगै कोरोना संक्रमितको संख्या २ लाख ६८ हजार ६४६ पुगेको बतईएको छ ।
पछिल्लो २४ घण्टामा थप २२६ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म २ लाख ६२ हजार ८६८ पुगेको जानकारी भएको छ । उनीहरू देशका विभिन्न स्थानका अस्पताल तथा होम आइसोलेसनबाट संक्रमणमुक्त भएको मन्त्रालयले जानकारी दिएको हो। नेपालमा पछिल्लो २४ घण्टामा थप ४ जनाको कोरोना भाइरसको संक्रमणका कारण मृत्यु भएको मन्त्रालयले पुष्टि गरेको छ । नेपालमा कोरोनाले ज्यान गुमाउनेको कुल संख्या १९७९ पुगेको छ।