जनकपुरमा प्रहरीको गोली चल्यो, नेता रामचन्द्र झासहित ११ घाइते
सहयात्रा टिभी
धनुषा । माघ २२, धनुषाको शिवचोकमा प्रदर्शनकारी र प्रहरीविच झडप हुँदा नेता रामचन्द्र झासहित ११ घाइते भएका छन् । शिवचोकमा प्रचण्ड–नेपाल समूहका कार्यकर्ताले गाडी चल्न नदिएपछि प्रहरीले खुलाउने प्रयास गर्दा झडप भएको हो ।
बन्दकर्ताले प्रहरीकै गाडीमा तोडफोड गरेपछि गोली चलाउनुपरेको जनकपुरका एसपी प्रकाश रानाभाटले जानकारी दिए । प्रहरीले प्रदर्शनकारीलाई नियन्त्रणमा लिन केही राउण्ड हवाई फायर, अश्रुग्यास र गोली चलाएको थियो ।
लाठीचार्जका क्रममा नेकपाको प्रचण्ड–नेपाल समूहका नेता रामचन्द्र झासहित ११ जना घाइते भएका हुन् ।