रामपुर कृषि संकायका सहायक डीनको निधन

सहयात्रा टिभी

काठमाडोैं । माघ २३, कृषि तथा वन विज्ञान विश्वविद्यालय रामपुर कृषि संकायका सहायक डीन विष्णुराज ओझाको शुक्रबार बिहान पौने तीन बजे चितवन मेडिकल कलेजमा निधन भएको छ।

ज्वरोका कारण गत पुस ११ गते अस्पतालमा भर्ना भएका ओझाको उपचारका क्रममा निधन भएको हो । अस्पताल भर्ना भएपछि उनलाई कोरोना सङ्क्रमण पुष्टि भएको थियो तर कोरोना संक्रमण निको भइसकेपछि ओझाको फोक्सोमा समस्या देखिएको थियो । विसं २०१९ फागुन १८ गते लमजुङको दुराडाँडामा जन्म भएको ओझाले २०४८ सालमा सहायक प्राध्यापकको रुपमा कृषि क्याम्पस पक्लिहवाबाट सेवा प्रारम्भ गरेका थिए। उनको एक श्रीमती, एक छोरा र एक छोरी छन् । आज ओझाको अन्तिम संस्कार देवघाटमा गरिएको बताईएको छ।