सलमानको यस्तो छ शर्त ‘बिग बोस १५’ होस्ट गर्न

सहयात्रा टिभी

काठमाडौं । फाल्गुन ०२, भारतीय रियालिटी शो ‘बिग बोस १४’ पूर्ण रफ्तारमा आफ्नो समापनको बाटोमा अगाडि बढिरहेको छ । ‘बिग बोस’को घरमा उपस्थित प्रतिष्पर्धीहरु फिनाले, ट्रफी जित्ने र घरबाहिर निस्कने व्यग्र प्रतिक्षामा छन् । शोका होस्ट सलमान खानको अवस्था पनि यस्तै छ । शोको हालैको एक एपिसोडमा उनले सिजन सकिन लागेको विषयमा आफ्नो धारणा सार्वजनिक गरेका हुन् ।

उनले भनेका छन्, ‘ममा मिश्रित भावना छ, कहिले खुशी, कहिले दुःखी’ । ‘पठान’, ‘टाइगर जिन्दा है ३’ र अन्य फिल्मको सुटिङमा व्यस्त रहे पनि उनले आगामी सिजनमा पुनः आउने भन्दै आगामी सिजनका लागि आफ्नो पारिश्रमिकमा १५ प्रतिशत वृद्धि हुनुपर्ने माग राखेका छन् । यस संस्करणका लागि सलमानले प्रति हप्ता २४ करोड पारिश्रमिक लिइरहेका छन् ।