पूर्वरानी कोमल शाहको जन्मदिनमा राजपरिवारका सदस्य जन्मोत्सव मनाउँदै
सहयात्रा टिभी
काठमाडौं । फाल्गुन ०९, पूर्व राजपरिवारका सदस्यले शुक्रवार पूर्वरानी कोमल शाहको ७० औँ जन्मोत्सव मनाएका छन् । पूर्वराजारानीले जन्मदिन मनाउँदै गर्दा पूर्वराजा ज्ञानेन्द्र र कोमलले गरेर नृत्यले सामाजिक सञ्जालमा चर्चा कमाएको छ । जन्मोत्सवको अवसरमा शाह परिवारले झापाको धुलाबारीस्थित मेची क्राउन होटल एक हप्ताका लागि बुक गरेको थियो ।
जन्मदिनको अवसरमा पूर्वयुवराज पारस शाह पनि झापा पुगेका थिए । झापामा पूर्वराजा र पूर्वयुवराज्ञी हिमानीसहित सम्पूर्ण परिवार उपस्थित थिए । हिमानी शाहको फ्यान पेजबाट अपलोड गरिएको एक भिडियोमा जन्मदिन मनाउँदै गर्दा पूर्वराजारानी नाचेका थिए । उक्त भिडियोलाई सामाजिक सञ्जाल प्रयोगकर्ताले रुचाएका छन् ।
