संखुवासभा पेट्रोल पम्पमा भिषण आगलागी
सहयात्रा टिभी
काठमाडौं । फाल्गुन ११, संखुवासभाको चैनपुर नगरपालिका–७ जिरो पाईन्ट नजिकै रहेको श्रेष्ठ पेट्रोल पम्पमा आगलागी भएको छ । मंगलबार दिउँसो १२ बजे ट्याङ्करबाट ट्याङ्कीमा पेट्रोल खनाउने क्रममा आगो लागेको सशस्त्र प्रहरी अरुण गुल्म चैनपुरका डिएसपी विशाल सिलवालले बताउनु भयो ।
पम्पमा लागेको आगो सशस्त्र प्रहरी, जनपथ प्रहरी र स्थानीयको प्रयासमा नियन्त्रणमा आएको डिएसपी सिलवालले जानकारी दिनुभयो । आगलागीबाट पम्प नजिकै रहेको पाँच तले घरमा समेत क्षति पुगेको छ भने आगलागीबाट के कति क्षति भयो भन्ने थप विवरण आउन बाँकी छ।