कंगनाले आफूले कहिल्यै आइटम नम्बर नगरेको प्रस्ट पार्दै स्वरालाई भनिन् ‘बी ग्रेड’ कलाकार
सहयात्रा टिभी
काठमाडौं । फाल्गुन १२, अभिनेत्री कंगना रनावत बलिउड धेरै कलाकारहरु विरुद्ध बयान दिइसकेकी छिन् । हलै सामाजिक सञ्जालमा स्वरा भास्कर र कंगना एकअर्काविरुद्ध जुहारी खेलिरहेका छन् । कंगनाले आलिया भट्ट, दीपिका पादुकोण र कट्रिना कैफमाथि निशाना साँध्दै यी अभिनेत्रीहरुले झैं आफुले कहिल्यै फिल्ममा आइटम डान्स नगरेको दाबी गरेकी थिइन् । स्वरा भास्करले कंगनाको यस दाबी खण्डन गर्दै उनको आइटम डान्स भिडियो सामाजिक सञ्जालमार्फत् सार्वजनिक गरिदिएकी छिन् । सो आइटम डान्स कंगनाले २०१३ मा प्रदर्शनमा आएको फिल्म रज्जोका लागि गरेकी थिइन् ।
स्वराले भिडियो शेयर गर्दै आफ्नो ट्वीटमा यस्तो लेखेकी छिन्, ‘रज्जो फिल्ममा तपाईंको आइटम डान्स देखेर मज्जा आयो । तपाईं निकै राम्रो पर्फर्मर र डान्सर हुनुहुन्छ । यस्तो कुरा अझै देख्न चाहन्छु ।’ स्वराको यो ट्वीट सामाजिक सञ्जालमा भाइरल भएपछि कंगनाले पनि जवाफ फर्काएकी छिन् । ‘जब म ए लिस्टर कलाकारहरुमाथि प्रश्न उठाउँछु, तब बी लिस्टर कलाकारहरु सिपाही बनेर उनीहरुको बचाउमा आउँछन् । आइटम नम्बर एउटा त्यस्तो डान्स नम्बर हो, जसको फिल्मको कथासँग कुनै लेना–देना हुँदैन । जहाँ महिलाहरुका लागि अपमानजनक भाषा प्रयोग गरिएको हुन्छ ।’ कंगनाले थपेकी छिन्, ‘यो कुरा बी ग्रेडले बुझ्दैनन् । जुन, मैले सञ्जय भन्साली र फराह खानको आइटम गीतका बारेको भनेको थिएँ – जसलाई ढिला राती केही ए लिस्टर्स कलाकारहरु राखेर बनाइन्छ । म आज जे छु, त्यसका लागि मैले धेरै बलिदानी गरेको छु ।’
