नेपाली कांग्रेसका नेता कोइरालाको निधन
सहयात्रा टिभी
काठमाडौं । चैत्र ०५, नेपाली कांग्रेसका नेता अशोक कोइरालाको ७८ वर्षको उमेरमा निधन भएको छ ।
अशोक पूर्व प्रधानमन्त्री स्वः सुशील कोइरालाका भाइ हुन् । निमोनियाले सताएपछि कोइरालालाई विराटनगरस्थित न्यूरो अस्पतालमा तीन दिनदेखि उपचार भइरहेको थियो । गएराति १ बजे उपचारका क्रममा कोइरालाको निधन भएको मोरङका कांग्रेस सचिव नागेश कोइरालाले जानकारी दिए ।
अहिले उनको शव विराटनगरस्थित घरमा राखिएको छ । दिउँसो हाटखोलास्थित समसाम घाटमा अन्त्येष्टी गरिने छ । कांग्रेस महामन्त्री शशांक कोइराला, केन्द्रीय सदस्य मिनेन्द्र रिजाल, शेखर कोइराला काठमाडौँबाट विराटनगर आउँदै छन् ।
कांग्रेस सभापति शेरबहादुर देउवा जाने बताइएको छ । विराटनगरका पूर्वमेयर, संविधान सभा सदस्य कोइराला मोरङ कांग्रेसका पूर्व सभापति हुन् । शेरबहादुर देउवा नेपाल विद्यार्थी संघको अध्यक्ष हुदा अशोक कोइराला उपाध्यक्ष थिए ।