एक वर्षमा ७ सय ४५ क्षयरोगर बिरामी
सहयात्रा टिभी
काठमाडौं । चैत्र १०, राष्ट्रिय क्षयरोग नियन्त्रण केन्द्रले गत आर्थिक वर्ष २०७६/७७ मा २७ हजार ७ सय ४५ नयाँ क्षयरोगी भेटिएको बताएको छ । विश्व क्षयरोग दिवसको अवसरमा केन्द्रले मंगलबार गरेको पत्रकार सम्मेलनमा १ लाख ५५ हजार ३ सय ७१ सम्भावित क्षयरोगीहरूको परीक्षणमा झन्डै २८ हजारमा क्षयरोग देखिएको जनाएको हो ।
केन्द्रले ४१ हजार नयाँ क्षयरोगी अझै पनि उपचारको दायरा बाहिर नै रहेको जनाएको छ । क्षयरोग नियन्त्रण केन्द्रका निर्देशक डा. अनुज भट्टचनले गत आर्थिक वर्षमा औषधि प्रतिरोधी क्षयरोगका ३ सय ८४ जना बिरामीलाई नियमित उपचारको दायरामा ल्याउँदा ८३ प्रतिशतलाई उपचारको दायरामा ल्याउन नसकिएको बताउनुभयो ।
सबै तहमा जनशक्ति व्यवस्थापन, औषधि तथा प्रयोगशाला सामाग्री ढुवानी तथा व्यवस्थापन गर्न चुनौती रहेको निर्देशक डा। भट्टचनले जानकारी दिनुभयो । श्वास प्रश्वासको माध्यमबाट सर्ने क्षयरोग माइकोव्याक्टेरियम ट्युबरकुलोसिस नामको सूक्ष्म किटाणुबाट लाग्ने गर्दछ । सरकारले यस क्षयरोगको निःशुल्क उपचार गर्ने गरेको छ ।