२४ घण्टामा १४५ कोरोना संक्रमित
सहयात्रा टिभी
काठमाडौं । चैत्र ११, पछिल्लो २४ घण्टामा १ सय ४५ जना कोरोना संक्रमित थपिएका छन् । स्वास्थ्य तथा जनासंख्या मन्त्रालयको बुधबारको प्रेस ब्रिफिङमा सह–प्रवक्ता डा. समीरकुमार अधिकारीले दिनुभएको जानकारी अनुसार देशभर १ सय ४५ जनामा संक्रमण पुष्टि भएको हो भने नेपालमा हालसम्म संक्रमित हुनेको संख्या २ लाख ७६ हजार ३ सय ८९ पुगेको छ ।
डा. अधिकारीका अनुसार पछिल्लो २४ घण्टामा ९० जना संक्रमित कोरोनामुक्त भई डिस्चार्ज भएका छन् । संक्रमणमुक्त हुनेको जम्मा संख्या २ लाख ७२ हजार १ सय ८७ पुगेको छ । २४ घण्टामा ३ हजार ९ सय ६३ पीसीआर परीक्षण गरिएको छ । अहिले देशभर सक्रिय संक्रमितको संख्या १ हजार १ सय ८२ रहेको सहप्रवक्ता अधिकारीले जानकारी दिनुभएको छ ।