नेपाली बजारमा सुनको मूल्य बढ्यो
सहयात्रा टिभी
काठमाडौं । चैत्र २५, नेपाली बजारमा बुधबार सुनको मूल्य वृद्धि भएको छ । मंगलबार तोलामा ८७ हजार ५ सय रुपैयाँमा कारोबार भएको छापावाल सुन बुधबार बढेर तोलामा ८८ हजार रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । यस्तैगरी तेजाबी सुन तोलामा ८७ हजार ५ सय ५० रुपैयाँमा कारोबार भएको छ ।
यसैबीच चाँदीको मूल्य पनि बढेको छ । मंगलबार तोलामा १ हजार २ सय ३५ रुपैयाँमा कारोबार भएको चाँदी बुधबार बढेर तोलामा १ हजार २ सय ४५ रुपैयाँमा कारोबार भएको महासंघले बताएको छ ।