प्रधानमन्त्री केपी शर्मा ओलीले लिए शपथ
सहयात्रा टिभी
काठमाडौं । बैशाख ३१, प्रधानमन्त्री केपी शर्मा ओलीले शपथ लिएका छन् ।
राष्ट्रपति विद्यादेवी भण्डारीले शितलनिवासमा प्रधानमन्त्री ओलीलाई पद तथा गोपनीयताको शपथ गराएकी हुन् ।
त्यस्तै वैशाख २७ गते संसदबाट विश्वासको मत नपाएपछि पदमुक्त भएका ओलीलाई राष्ट्रपति भण्डारीले संविधानको धारा ७६ (३) अनुसार बिहीबार राति प्रधानमन्त्री नियुक्त गरेकी थिइन् ।
राष्ट्रपतिबाट शपथ लिएका ओलीले आजै सिंहदरबार आएर पदभार ग्रहण गर्दैछन् ।
प्रधानमन्त्री ओलीले आफू पदमुक्त हुनुअघिको मन्त्रिपरिषदका सबै सदस्यलाई पुरानै मन्त्रालयको जिम्मेवारी दिएका छन् भने ओलीसँगै मन्त्रीहरुले पनि शुक्रबार नै शपथ लिएका छन् ।