२ वर्षअघि मृत्यु भएका आरोहीको शव सगरमाथा क्षेत्रमा भेटियो
सहयात्रा टिभी
काठमाडौं । जेठ १०, सगरमाथा क्षेत्रमा विसं २०७६ जेठ १३ गते आरोहण सकेर फर्कने क्रममा मृत्यु भएका अमेरिकी क्रिस्टोफर जोन कुलिशको शव शनिबार भेटिएको छ ।
वसन्त याममा आरोहण सकेर फर्कने आरोहीको समूहले उद्धार गरी उक्त शव क्याम्प २ मा ल्याएर राखेको जिल्ला प्रहरी कार्यालयका प्रहरी नायब उपरीक्षक कवित कटवालले जानकारी दिए। अहिले त्यहाँबाट हेलिकोप्टरमार्फत उद्धारको प्रयास भइरहेको छ ।
राहदानी नं ५०९६५१०६२ भएका ६१ वर्षीय कुलिशको क्याम्प ४ मा हृदयाघातका कारण मृत्यु भएको प्रहरीले बताएको छ ।