शेयर बजारमा एकैदिन ७३ अंकको वृद्धि
सहयात्रा टिभी
काठमाडौं । असार २७, साताको सुरुको दिन आइतबार शेयर बजारमा ७३ अंकको बृद्धि आउँदा कारोबार पनि ८ अर्ब माथि पुगेको छ ।
त्यस्तै उतार चढावबीच बजार परिसूचक नेप्से ७३ अंकले बढेर २८ सय ९८ अंक पुग्यो ।
जीवन बीमा समूहमा सबैभन्दा उच्च ४ सय ९८ अंकको बृद्धि आएको छ भने निर्जीबन बीमा र विकास बैंक दुवै समूह ३ सय ५५ अंकले उकालो लागे ।
वित्त समूह १ सय ८१ अंकले बढ्दा लघुवित्त समूह पनि १ सय ३२ अंकले उक्लियो ।
त्यसैगरी उत्पादनमूलक समूह ९३ अंक र होटल तथा पर्यटन समूहमा ७१ को बृद्धि आउँदा जलविद्युत, व्यापार र वाणिज्य बैंक पनि दोहोरो अंकले सुधारिए ।