सनराइज बैंकका थप ३ वटा शाखा
सहयात्रा टिभी
काठमाडौं । साउन २१, सनराइज बैंकले सुर्खेतको वीरेन्द्रनगर नगरपालिकाको बयलकाँडा, कैलालीको जानकी गाउँपालिका खैरीफाँटा र कैलालीकै टिकापुर नगरपालिका धनसिंहपुरमा शाखारहित बैंकिङ सेवा सुरुवात गरेको छ ।
शाखारहित बैंकिङ सेवा सञ्चालनमा आएसँगै बैंकको शाखारहित बैंकिङ संख्या ८२ पुगेको छ ।
सो स्थानहरुमा सेवा सञ्चालनका लागि बैंकले बयलकाँडाका स्थानीय व्यवसायी नवराज रोकाया, खैरीफाँटाका एकराज खड्का र धनसिंहपुरका किर्त ठकुल्लालाई व्यावसायिक प्रतिनिधिका रुपमा नियुक्त गरेको छ ।