आज बुटवलबाट ओलीको सम्बोधन
सहयात्रा टिभी
बुटवल । भदौ ३०, नेकपा एमालेका अध्यक्ष तथा पूर्व प्रधानमन्त्री केपी शर्मा ओली आज दिउँसो हुने एमाले अगुवा कार्यकर्ता भेलालाई सम्बोधन गर्ने सिलसिलामा बुटवल प्रस्थान गर्दैछन् ।
त्यस्तै बुटवल देवीनगर एन्फा मैदानमा हुने भेलामा जिल्लाका १६ वटै स्थानीय तहका अगुवा कार्यकर्ता सहभागी हुने एमाले रुपन्देही प्रचार विभाग प्रमुख मोहन चापागाईँले जनाए ।
उक्त भेलालाई पार्टी अध्यक्ष ओलीसहित उप–महासचिवद्वय विष्णुप्रसाद पौडेल, घनश्याम भुसाल, स्थायी कमिटी सदस्य टोपबहादुर रायमाझी लगायतले सम्बोधन गर्नेछन् ।