भारतमा कोरोना संक्रमण बढ्यो
सहयात्रा टिभी
काठमाडौं । असोज ०३, भारतमा कोरोना संक्रमण दर बढेको बढै छ । पछिल्लो २४ घण्टामा भारतमा थप ३० हजार ७ सय ७३ जनामा कोरोना संक्रमण पुष्टि भएको छ ।
त्यस्तै कोरोनाको कारण ३ सय ९ जनाले ज्यान गुमाएका छन् । यो सँगै कोरोनाबाट ज्यान गुमाउनेको सँख्या ४ लाख ४४ हजार ८ सय ३८ पुगेको छ । पछिल्लो २४ घण्टामा ३८ हजार ९ सय ४५ जना डिस्चार्ज भएका छन् ।
भारतमा हाल संक्रिय संक्रमित सँख्या ३ लाख ३२ हजार १ सय ५८ रहेको स्वास्थ्य मन्त्रालयले जनाएको छ । ८५ लाख ४२ हजार ७ सय ३२ जनाले कोरोना भाइरसविरुद्ध खोप लगाएका छन्। हालसम्म भारतमा ८० करोड ४३ लाख ७२ हजार ३ सय ३१ जनाले खोप लगाइसकेका छन्।