असोज १० गतेबाट मुक्तिनाथ मन्दिर खुल्ने
सहयात्रा टिभी
काठमाडौं । असोज ६, कोरोना महामारीका कारण बन्द रहेको मुक्तिनाथ मन्दिर यही असोज १० गतेदेखि सर्वसाधारणका लागि खुला हुने भएको छ ।
गत वैशाखदेखि बन्द रहेको मन्दिर सर्वसाधारणका लागि पूजा पाठका लागि खुला गर्ने निर्णय भएको हो । मंगलबार मुस्ताङमा बसेको कोभिड–१९ संकट व्यवस्थापन समितिको बैठकले संक्रमण दर घटेको भन्दै मन्दिर खुला गर्ने निर्णय गरेको हो ।
त्यस्तै मुस्ताङ जिल्ला प्रबेश गर्नका लागि कोरोना परीक्षण गरेको पीसीआर परिक्षण रिपोर्टका आधारमा मात्रै जिल्ला प्रबेश गर्न पाउने व्यवस्था समेत गरिएको छ ।