सभापति शेरबहादुर देउवाले कांग्रेस पराजित हुनुको कारण कांग्रेस नै भएको बताए

सहयात्रा टिभी

काठमाडौँ । असोज २५,  कांग्रेसले ठूला आन्दोलनको नेतृत्व गरेर आएकाले सामान्य पराजयमा नआत्तिन उनको आग्रह छ । ‘हाम्रो पार्टी ठूलाठूला आन्दोलनको नेतृत्व गरेको पार्टी हो । एकता भएको खण्डमा राम्रो भविष्य छ ।

प्रधानमन्त्री तथा नेपाली कांग्रेसका सभापति शेरबहादुर देउवाले कांग्रेस पराजित हुनुको कारण कांग्रेस नै भएको बताएका छन् । अरू कुनै शक्तिले आफ्नो पार्टीलाई पराजित गर्न नसक्ने भन्दै उनले पार्टीभित्रैबाट हराउन लाग्नेहरूका कारण समस्या भएको बताए ।

आउँदो अधिवेशनमा सर्वसम्मत नेतृत्व छान्न उनको आग्रह छ । उनले पार्टी अधिवेशनमा मिलेर जान नेता, कार्यकर्तालाई आग्रह गरे । ‘पार्टीको अधिवेशन आउँदै छ । यसमा प्रतिस्पर्धा हुन्छ । भरसक एक भएर जाऔँ’, उनले भने, ‘सहमति भएन भने स्वच्छ प्रतिस्पर्धा गरौँ । कांग्रेस प्रजातान्त्रिक पार्टी हो । प्रजातान्त्रिक तरिकाबाट निर्वाचन गरौँ । तिक्ततामा होइन, सौहार्द्धपूर्ण होस् ।