जुम्लामा एमबिबिएस पढाई सुरु
सहयात्रा टिभी
काठमाडौं । मंसिर २०, कर्णाली स्वास्थ्य विज्ञान प्रतिष्ठान, जुम्लामा एमबिबिएसको पठनपाठन सुरु भएको छ ।
पहिलो पटक एमबिबिएससहित बी फार्मा, स्नातक तहमा नर्सिङ र पब्लिक हेल्थको अध्ययन सुरु भएको हो । आयोगले प्रतिष्ठानलाई एमबिबिएसमा अध्यापनका लागि २० जनाको कोटा तोकि दिएको छ ।
पूर्ण छात्रवृत्तिमा १५ र स(शुल्कमा पाँच कोटा कायम गरिएको छ । बी फार्मेसीमा पनि २० जनाको कोटा निर्धारण गरिएको छ ।
यसअघि प्रतिष्ठानमा प्रवीणता प्रमाणपत्र तहमा नर्सिङ, हेल्थ असिस्टेन्ट, एनेस्थेसिया असिस्टेन्ट, एमडीएमएस, बालरोग विशेषज्ञ र एमडीजीपीको अध्यापन पनि हुँदै आएको थियो ।