सुनको मूल्य
सहयात्रा टिभी
काठमाडौं । फाल्गुन १६, आजको नेपाली बजारमा छापावाल सुनको मूल्य प्रतितोला १ हजार ६०० रुपैयाँले बढेर ९८ हजार २०० रुपैयाँ पुगेको छ ।
पहेंलो धातु अघिल्लो दिन प्रतितोला ९६ हजार ६०० रुपैयाँमा कारोबार भएको थियोे ।
नेपाल सुनचाँदी व्यवसायी महासंघले सार्वजनिक गरेको विवरणअनुसार सोमवार तेजाबी सुनको मूल्य प्रतितोला ९७ हजार ७०० रुपैयाँ तोकिएको छ । जसको मूल्य आइतवार प्रतितोला ९६ हजार १०० थियो ।
सोमवार चाँदीको मूल्य अघिल्लो कारोबार मूल्यका तुलनामा प्रतितोला ४५ रुपैयाँले बढेर १ हजार ३४० पुगेको महासंघले जनाएको छ ।
महासंघले अन्तर्राष्ट्रिय बजारमा सुन तथा चाँदीका मूल्यमा हुने उतारचढावका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा सोमवार सुन प्रतिऔंस १ हजार ९०७ डलर आसपास कारोबार भइरहेको छ ।