यी हुन् माओवादी केन्द्रीय समिति बैठकका एजेन्डा
सहयात्रा टिभी
काठमाडौं । फाल्गुन २२, सत्तारुढ नेकपा माओवादी केन्द्रको केन्द्रीय समिति बैठक नेपाल प्रज्ञा–प्रतिष्ठानमा जारी छ । बैठक शुक्रबारबाट सुरु भएको हो ।
माओवादी केन्द्रीय कार्यालयका सचिव श्रीराम ढकालका अनुसार बैठकमा केन्द्रीय समितिलाई पूर्णता, पोलिटब्युरो, स्थायी कमिटी गठन लगायतका एजेन्डामा छलफल भइरहेको छ ।
माओवादीले पदाधिकारीसँगै स्थायी समिति चयनको तयारी थालेको छ । गत शुक्रबारको बैठकमा एमसीसीलगायतका समसामयिक विषयमा छलफल भएको थियो ।
ढकालका अनुसार बैठकको कार्यसूची कार्ययोजना निर्माण र संगठन हुनेछ । गत पुसमा सम्पन्न माओवादीको आठौँ महाधिवेशनले २४७ केन्द्रीय सदस्य चयन गरेको थियो ।