चितवन जाँदै प्रचण्ड
सहयात्रा टिभी
काठमाडौं। चैत २३, नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ आज बुधबार गृहजिल्ला चितवन जाँदै छन् ।
पछिल्लो १३ दिनको अवधिमा प्रचण्ड तेस्रो पटक गृहजिल्ला जान लागेका हुन् ।
स्थानीय तहको निर्वाचन नजिकिँदै जाँदा गृहजिल्लामा उनको आगमन बढेको मात्र छैन । योजनाहरुको शिलान्यास, उद्घाटन र पार्टीका कार्यक्रममा प्रचण्डलाई भ्याइनभ्याइ छ ।
आज पनि उनी भरतपुर महानगरपालिका २ आँपटारीमा भूमिहीन दलितलाई लालपुर्जा बाँड्न चितवन जान लागेका हुन् ।
चुनावमा मुखमा योजनाको धमाधम शिलान्यास, उद्घाटन गर्ने र लालपुर्जा बाँड्ने कार्यलाई मतदातालाई आकर्षित गर्ने रणनीतिका रुपमा लिइएको छ ।
स्थानीय तहको चुनावमा सत्ता गठबन्धनबीच तालमेल गर्ने भनिए पनि भरतपुर महानगरमा त्यति सहज देखिँदैन । महानगरको मेयरमा माओवादी केन्द्र र नेपाली कांग्रेसले आ(आफ्नो दाबी गर्दै आएका छन् ।