यसरी मनाइयो प्रथम कम्युनिष्ट प्रधानमन्त्री मनमोहनको २३औं स्मृति दिवस
सहयात्रा टिभी
काठमाडौं, बैशाख १३ । दक्षिण एशियाकै प्रथम कम्युनिष्ट प्रधानमन्त्री तथा नेकपा एमालेका प्रथम अध्यक्ष मनमोहन अधिकारीको २३ औं स्मृति दिवस आज मनाइएको छ ।
मनमोहन स्मृति प्रतिष्ठानले आज आयोजना गरेको कार्यक्रममा अध्यक्ष केपी शर्मा अोलीलगायतका नेताहरुले मनमोहनको शालिकमा माल्यार्पण गर्नुभएको छ ।
अधिकारीको २०५६ सालमा चुनाव प्रचारप्रसारकै क्रममा काठमाडौंको गोठाटारमा हृदयघात भएपछि उपचारका क्रममा निधन भएको थियो । अधिकारीकै पालामा वृद्धभत्तालगायतका सामाजिक सुरक्षाका कार्यक्रम र ‘आफ्नो गाउँ, आफैं बनाउँ’ जस्ता अभियान शुरु भएका थिए ।