पाँचथरको फिदिम १ मा एमालेका भट्टराई निर्वाचित
सहयात्रा टिभी
काठमाडौं। ज्येष्ठ १,पाँचथरको फिदिम नगरपालिका १ को वडाध्यक्षमा नेकपा एमालेका उम्मेद्वार गजाधर भट्टराई विजयी भएका छन् ।
कांग्रेसका सन्तोष मोक्तानलाई हराउदै उनी वडाध्यक्षमा विजयी भएका हुन् । भट्टराईले १ हजार ७१ मत पाएका छन भने मोक्तानलाई ७ सय २३ मत प्राप्त भएको छ ।
भट्टराई यहाँका निवर्तमान वडाध्यक्ष हुन् । उनी २०५४ र २०७४ सालको स्थानीय तह निर्वाचनमा सन्तोषका पिता हर्कवहादुर मोक्तानसँग ६–६ मत अन्तरले पराजित भएका थिए ।
२०७६ को उप निर्वाचनमा भने कांग्रेसका सुवराज थापालाई हराउँदै उनी वडाध्यक्ष बनेका थिए ।