भरतपुरमा रेनुको निरन्तर अग्रता,मतान्तर साढे ७ हजार नाघ्यो
सहयात्रा टिभी
काठमाण्डौ । ज्येष्ठ ८, चितवन,भरतपुर महानगरपालिकाको मेयरमा सत्ता गठबन्धनकी साझा उम्मेदवार माओवादी केन्द्रकी रेनु दाहालले निरन्तर अग्रता बनाएकी छन् ।
९० हजार बढी भोट गनिसक्दा उनले मतान्तर फराकिलो बनाउँदै लगेकी हुन् । मुख्य निर्वाचन अधिकृतको कार्यालयका अनुसार भरतपुरमा अहिलेसम्म ९२ हजार १२८ मतगणना भैसकेको छ ।
जसमा रेनुले एमालेका विजय सुवेदीसँग ७ हजार ८५४ को मतान्तर बनाएकी छन् ।
रेनुले ३६ हजार २७२ भोट पाउँदा विजयले २८ हजार ४१८ मत प्राप्त गरेका छन् । स्वतन्त्र उम्मेदवार जगन्नाथ पौडेलले १२ हजार ७० मत ल्याएका छन्।
उपमेयरमा काँग्रेसका चित्रसेन अधिकारीले ३८ हजार ३८५ र राप्रपाकी हिमला गुरुङले २२ हजार ४२७ मत पाएका छन् ।