स्थायी कमिटी र पदाधिकारी चयन गर्न सारीएको बैठक सुरू भयो
सहयात्रा टिभी
काठमाडौं । भदौ ३, नेकपा (माओवादी केन्द्र) को स्थायी समिति बैठक सुरु भएको छ। पार्टी कार्यालय पेरिसडाँडामा केही बेरअघि सुरू भएको बैठकले पदाधिकारीलाई अन्तिम रुप दिने सम्भावना छ।
अध्यक्ष पुष्पकमल दाहाल ‘प्रचण्ड’ले आजको बैठकमा पदाधिकारीको नाम प्रस्ताव गर्ने तयारी गरेका छन्। यदि अध्यक्षले प्रस्ताव गरेको नाममा सहमति जुटे आजै पदाधिकारी र स्थायी कमिटीले पूर्णता पाउनेछ।
यसअघि बुधबार बसेको स्थायी कमिटी बैठकले अपूर्ण रहेका केन्द्रीय कमिटी, पोलिटब्युरो र स्थायी कमिटीमा सदस्यहरू थप्ने विषयमा छलफल भएको थियो। बिहिबारनै बस्ने भनिएको बैठक आजका लागि सरेको थियो ।