आज सुन र चाँदी दुवैको मूल्य घट्यो
सहयात्रा टिभी
काठमाडौं । भदौ १५, नेपाल सुन चाँदी व्यवसायी महासंघकाअनुसार आज सुन र चाँदी दुवैको मूल्य घटेको छ । सुनको मूल्य ओरालो लागेको यो लगातार पाँचौं दिन हो । सुनको मूल्य एकै दिन तोलमा ८ सय रुपैयाँले घटेको जनाएको छ ।
आज छापावाल सनुको मूल्य तोलामा ९४ हजार रुपैयाँ, तेजावी सनुको मूल्य ९३ हजार ५ सय र चाँदीको मूल्य एक हजार १३० रुपैयाँ प्रतितोला कायम भएको छ । मंगलबार ९४ हजार ८ सय रुपैयाँमा छापावाल, ९४ हजार ३ सय रुपैयाँमा तेजावी र एक हजार १४५ रुपैयाँ तोलामा चाँदीको कारोबार भएको थियो । महासंघका अनुसार भदौ ९ यता सुनको मूल्य निरन्तर घटेको जनाएको छ ।