खरेलको अवकाश सगै राष्ट्रिय अनुसन्धान विभागको प्रमुखमा हुतराज थापा नियुक्त

सहयात्रा टिभी

काठमाडौ । भदौ २८, राष्ट्रिय अनुसन्धान विभागको प्रमुखमा अतिरिक्त मुख्य अनुसन्धान निर्देशक हुतराज थापालाई नियुक्त गरिएको छ । सोमबार बसेको मन्त्रिपरिषद् बैठकले थापालाई विभागको प्रमुखमा नियुक्त गरेको भौतिक पुर्वाधार तथा यातायात मन्त्री मोहम्मद इस्तियाक राईले जानकारी दिए ।

उनले ३ वर्ष अनुसन्धान विभागको नेतृत्व गर्नेछन् । उनि कार्यसम्पादनमा अब्बल अधिकृतको रुपमा परिचित छन् । त्यस्तै, रिक्त भएको अतिरिक्त मुख्य अनुसन्धान निर्देशकमा टेकेन्द्र कार्कीलाई बढुवा गरिएको छ ।

राष्ट्रिय अनुसन्धान विभाग​का प्रमुख यदुलाल खरेलले मंगलबारबाट अवकाश पाउँदै छन् । नवनियुक्त प्रमुख थापाले भदौ २९ बाट कार्यभार समाल्नेछन् । थापासँग प्रमुख बन्ने प्रतिस्पर्धामा ओम जोशी थिए । सरकारले वरिष्ठतम् अतिरिक्त मुख्य अनुसन्धान निर्देशकलाई प्रमुखमा नियुक्त गरेको हो ।

 

 

प्रकाशित : 13 September, 2022

प्रतिक्रिया दिनुहोस्