लास जलाउँदा जलाउँदै पहिरो झरेपछि मलामी गएका १३ जना बेपत्ता
सहयात्रा टिभी
काठमाडौ । असोज २४, कालिकोटको तिलागुफा–४ राँचुलीमा मलामी गएका १३ जना बेपत्ता भएको पुष्टि भएको जिल्ला प्रशासन कार्यालयले जनाएको छ ।
आइतबार तिला नदी किनारमा लास जलाउँदा जलाउँदै पहिरो झरेपछि मलामी गएकाहरुको भागाभाग भएको थियो । तिनैहरुमध्ये १३ जना हराएको पुष्टि भएको प्रमुख जिल्ला अधिकारी रामहरि शर्माले जानकारी दिए ।
गाउँका अन्य घरहरु पनि पहिरोको जोखिममा परेकाले करिब १०० घर स्थानीयवासी कालिका माविमा आश्रय लिएर बसेको पनि प्रजिअ शर्माले बताए ।
बालबालिकाहरुसमेत गरी ५ सय जतिले स्कुलमा आश्रय लिएर बसेको प्रजिअ शर्माले जानकारी दिए । मौसम सुधार भएपछि हेलिकोप्टरबाट उनीहरुलाई उद्धार गर्ने तयारी भईरहेको जानकारी प्राप्त भयो ।