एक युवामाथि खुकुरी प्रहार गरेको आरोपमा गुन्डा नाइके ‘राधे’ पक्राउ
सहयात्रा टिभी
धादिङ । कात्तिक २, धादिङमा एक युवालाई खुकुरी प्रहार गरेको आरोपमा गुण्डा नाइके राधाकृष्ण भण्डारी ‘राधे’ पक्राउ परेका छन् ।
धादिङ सदरमुकामको अस्पताल चोक बीचबजारमा भिमबहादुर गुरुङलाई खुकुरी प्रहार गरेको आरोपमा उनी पक्राउ परेका प्रहरीले जनाएको छ ।
हिजो बेलुका ना ८७ प १९५० नम्बरको मोटरसाइकलमा रहेका नीलकण्ठ नगरपालिका–४ का २५ वर्षका गुरुङलाई ३९ वर्षका भण्डारीसहित अरु केहीले खुकुरी प्रहार गरेको जिल्ला प्रहरी कार्यालयका डीएसपी श्याम खत्रीले जानकारी दिए ।
दायाँ हातमा चोट लागेका घाइते गुरुङको धादिङ अस्पतालमा उपचार भइरहेको छ ।