नेपालमै पहिलो ‘पम्प ट्र्याक’ सञ्चालनले स्केटीङ र साइक्लिङमा युवाहरु प्रोत्साहित
सहयात्रा टिभी
काठमाडौँ । कात्तिक २४, ललितपुरको कुपण्डोल नजिकै बागमती नदीको किनारमा देशकै पहिलो ‘पम्प ट्र्याक’ सञ्चालनमा आएको छ । भेलो सोलुसनले ललितपुर महानगरपालिकाको सहयोगमा घुमाउरो र उतारचढावयुक्त ट्र्याक सञ्चालनमा ल्याएको हो ।
झन्डै १७० मिटर लामो पम्प ट्र्याक सञ्चालनमा आएसँगै माउन्टेन बाइकिङ गर्दै आएका युवा पुस्ताहरु खुसी भएका छन् । माउन्टेन बाइकिङ समुदायको लागि पम्प ट्र्याक सञ्चालनमा आउनु निकै महत्वपूर्ण भएको माउन्टेन बाइकर अभिषेक मैनाली बताउँछन् ।
पम्प फर पिस’ नारा सहित विश्वभर साइकलिङ र ‘एक्सन स्पोर्टस’ लाई पहुँचयोग्य बनाउन यो अभियान सुरु गरिएको भेलु सोलुसनका संस्थापक क्लाउडियो कालुओरी बताउँछन् । उनका अनुसार ‘पम्प ट्र्याक’ सञ्चालनमा आएसँगै साइक्लिङ वा स्केट खेल्न युवाहरुलाई प्रोत्साहित गर्नेछन् ।
‘पम्प ट्र्याक’मा साइक्लिङ वा स्केट गर्न सकिने भएकाले युवा पुस्तालाई खेलकुदमा आउन चाहिने आधारभूत कुराहरू सिक्न मद्धत पुग्ने पर्यटन व्यवसायी तथा माउन्टेन बाइकिङ अभियानकर्ता राज ज्ञवाली बताउँछन् ।