काठमाडौँ ७ बाट राष्ट्रिय स्वतन्त्र पार्टीका पराजुली निर्वाचित
सहयात्रा टिभी
काठमाडौँ । मंसिर ७, राष्ट्रिय स्वतन्त्र पार्टीका उम्मेदवार गणेश पराजुली काठमाडौँ–७ बाट प्रतिनिधिसभा सदस्यमा निर्वाचित भएका छन्। आज बिहान सम्पन्न मतगणनामा राष्ट्रिय पराजुली आठ हजार सात सय ४३ मत ल्याएर विजयी भएको निर्वाचन अधिकृत उषा श्रेष्ठले जानकारी दिए ।
दोस्रो मत नेकपा (एमाले)का उम्मेदवार श्यामकुमार घिमिरेले प्राप्त गरेका छन् । उनले छ हजार आठ सय र लोकतान्त्रिक–वाम गणबन्धनकी उम्मेदवार मानुषी यमी भट्टराईले छ हजार ६३ मत प्राप्त गरेको निर्वाचन अधिकृत श्रेष्ठले बताए । यस्तै एक हजार पाँच सय ७४ मत बदर भएको छ ।
कुल २४ हजार एक सय ९८ मतगणना हुँदा काठमाडौँ क्षेत्र नं ७ मा प्रतिनिधिसभामा २९ जना उम्मेदवार प्रतिस्पर्धामा थिए । जसमा १३ जना विभिन्न राजनीतिक दल र १६ जना स्वतन्त्र उम्मेदवार रहेको निर्वाचनअधिकृतको कार्यालयले जनाएको छ ।
उक्त निर्वाचन क्षेत्रमा २९ स्थानका ७१ मतदान केन्द्रमा मतदान भएको थियो । ६१ हजार दुई सय ९२ मतदाता रहेको सो निर्वाचन क्षेत्रमा आइतबार सम्पन्न मतदानमा ३७ हजार छ सय ३५ मतदाताले आफ्नो मताधिकारको प्रयोग गरेका थिए ।