एमालेलाई सरकारमा जाने जनादेश छैन : बरिष्ठ उपाध्यक्ष पोखरेल
सहयात्रा टिभी
काठमाडाै । पुस १०, नेकपा (एमाले) का बरिष्ठ उपाध्यक्ष ईश्वर पोखरेलले जनाताले एमालेलाई सरकारमा जाने जनादेश नदिएको बताए।
शनिबार आयोजना गरेको पत्रकार सम्मेलनमा बोल्दै नेता पोखरेलले जनाताले एमालेलाई सरकारमा जाने जनादेश नदिएकोले त्यसको सम्मान गर्ने बताए ।
उनले वर्तमान गठबन्धन लोकतन्त्र र मुलुकको हितमा नभएको जिकिर गरे । उनले देशलाई निकास दिनु पर्ने अवस्था आएमा गठबन्धन तोडेर आए नेपाली कांग्रेस र माओवादीसँग सरकारको विषयमा छलफल गर्न सकिने धारणा राखे ।
गठबन्धन कायम रहे राजनीतिक अस्थिरता लम्बिने र मुलुकको अर्थतन्त्र थप ओरालो लाग्ने पनि उनको दाबी थियो । उनले केन्द्रमा जसरी सरकार बन्छ, प्रदेशमा पनि त्यहिअनुसारको समिकरण हुने बताए ।