बार्सिलोनाद्वारा एट्लेटिको मड्रिड पराजित
सहयात्रा टिभी
काठमाडौं । पुस २५, स्पेनिस लिग फुटबलमा आइतबार राति बार्सिलोनाले एट्लेटिको मड्रिडलाई १–० ले पराजित गरेकाे छ ।
बार्सिलोनाको जितमा फ्रेन्च खेलाडी ओसमान डेम्बेलेले पहिलो हाफमा गरेको गोल निर्णायक बनेकाे हाे । खेलको अन्त्यतिर एट्लेटिको मड्रिडका स्टेफन साभिच र बार्सिलोनाका फेरान टोरेसले रातोकार्ड पाएपछि दुवै टोली १० खेलाडीमा समेटिएका छन्।
जितसँगै बार्सिलोनाले स्पेनिस लिग फुटबलको शीर्ष स्थानमा ३ अंकको अग्रता बनाएको छ । बार्सिलोनाले १६ खेलबाट ४१ अंक बटुलेको छ । शनिबार राति पराजित भएको रियाल मड्रिड ३८ अंकसहित दोस्रो स्थानमा रहेको छ । एट्लेटिको भने २७ अंकसहित पाँचौँ स्थानमा रहेकाे छ ।