बार्सिलोनालाई स्तब्ध पार्दै म्यानचेस्टर युनाईटेड अन्तिम १६ मा
सहयात्रा टिभी
काठमाडौं । बार्सिलोनालाई हराउँदै म्यानचेस्टर युनाइटेड युरोपा लिग फुटबलको राउण्ड अफ १६ मा प्रवेश गरेको छ ।
बिहीबार राति आफ्नै मैदानमा भएको नकआउट चरणको प्ले अफको दोस्रो लेगमा बार्सिलोनालाई २-१ ले हराउँदै समग्रमा ४-३ को जितसहित युनाईटेड अन्तिम १६ मा प्रवेश गरेको हो । पहिलो लेगमा युनाईटेड र बार्सिलोनाले २-२ को बराबरी खेलेका थिए ।
खेलको १८ औं मिनेटमा रोबर्ट लेवान्डोस्कीले पेनाल्टीमार्फत गोल गर्दै बार्सिलोनालाई सुरूवाती अग्रता दिलाए । ४७ औं मिनेटमा फ्रेडले गोल गर्दै युनाईटेडलाई १-१ को बराबरीमा ल्याए । त्यसपछि ७३ औं मिनेटमा एन्टोनीले गोल गर्दै युनाईटेडलाई २-१ को जित दिलाए ।