कक्षा १२ को परीक्षा वैशाख २६ देखि जेठ ५ सम्म हुने
सहयात्रा टिभी
काठमाडौं । फागुन २१, राष्ट्रिय परीक्षा बोर्डले कक्षा १२ को परीक्षा तालिका सार्वजनिक गरेको छ ।
परीक्षा वैशाख २६ देखि जेठ ५ गतेसम्म सञ्चालन हुने परीक्षा नियन्त्रक कृष्णप्रसाद शर्माले जानकारी दिए ।
उनका अनुसार परीक्षामा चार लाख १० हजार परीक्षार्थी सहभागी हुनेछन् । ‘यसपटक हामीले ११५ विषयको परीक्षा लिने तयारी गरेका छौं,’ शर्माले भने ।
बोर्डका अनुसार पहिलाभन्दा १० हजार विद्यार्थी बढेका छन् । परीक्षा बिहान ८ बजेदेखि १० बजेसम्म सञ्चालन हुनेछ ।