सरकारले रासायनिक मलमा दिँदै आएको अनुदान यथावत् राख्ने निर्णय
सहयात्रा टिभी
काठमाडौँ । चैत ६, रासायनिक मलमा दिँदै आएको अनुदान यथावत् राख्ने सरकारले गरेको निर्णय मन्त्रिपरिषद्को बैठकबाट पारीत भएको जनाएको छ ।
बिहान प्रधानमन्त्री तथा मन्त्रिपरिषद्को कार्यालय सिंहदरबारमा बसेको मन्त्रिपरिषद्को बैठकले रासायनिक मलमा दिँदै आएको अनुदान कटौती नगरि यथावत् राख्ने निर्णय गरेको हो ।
यसअघि कृषि तथा पशुपक्षी विकास मन्त्रालयको मल आपूर्ति तथा वितरण व्यवस्थापन समितिले रासायनिक मलमा दिँदै आएको अनुदान कटौती गर्ने निर्णय गरेको थियो ।
यो निर्णयको सर्वत्र विरोध भइरहेको थियो । आजको मन्त्रिपरिषद् बैठकपछि रासायनिक मलको अनुदान र मूल्यसमेत यथावत् रहने भएको छ ।