सुन चाँदीको मुल्य घट्यो
सहयात्रा टिभी
काठमाडौं । चैत २३, बढेर अहिलेसम्मकै उच्च विन्दुमा पुगेको सुनको मुल्य आज भने घटेको सुन चाँदी व्यवसायी महासंघले जनाएको छ ।
तोलामा ८ सय रुपैयाँले घटेर सुन आज एक लाख १० हजार २ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ । हिजो सुनको मुल्य तोलामा एक लाख ११ हजार रुपैयाँमा पुगेको थियो ।
यस्तै आज चाँदीको पनि मुल्य केही घटेको छ । तोलामा ५ रुपैयाँले घटेर चाँदी आज एक हजार चार सय ३५ रुपैयाँमा किनबेच भइरहेको छ ।