बाक्लो तुवाँलोका कारण आन्तरिक उडान प्रभावित
सहयात्रा टिभी
काठमाडौं । बैशाख ३, बाक्लो तुवाँलो लागी खराब मौसमका कारण आन्तरिक उडान प्रभावित भएका छन् ।
डढेलो, धुवाँधुलोलगायतले आकाशमा बाक्लो तुवाँलो लाग्नाले भिजिबिलिटी घट्दा पोखरा, भरतपुर र तुम्लिङटारको उडान प्रभावित भएको हो ।
त्रिभुवन अन्तर्राष्ट्रिय विमानस्थल कार्यालयका अनुसार बिहान उडान अवतरण ठप्प भएको सिमरामा भने अघि बिहान पौने ११ बजेदेखि उडान सुरु भएको छ ।
पोखरा, भरतपुर र सङ्खुवासभाको तुम्लिङटारमा भने अहिले पनि उडान अवतरण हुन सकेको छैन ।
मौसम सफा भएपछि मात्रै उडान हुने विमानस्थल कार्यालयले जनाएको छ । वायु प्रदूषणका कारण उडान अवतरण प्रभावित भएको जनाएको छ ।